Helburua:

Neska-mutikoen taldea. Animazio kulturaleko zerbitzu pedagogikoa eskaini nahi da, hainbat kolektibok (ikastetxeak, unibertsitateak, haur eta gazteen taldeak, eta helduen taldeak, denak ere Bizkaikoak) hezkuntza sistema ez-formalerako eta espazio informaletako aisialdi eskaintzarako eskatzen duten irisgarritasun egokituari eta eskaintza kulturalari dagokionez. Metodologia aktibo, parte-hartzaile, integral, progresibo eta gizarteratzailea erabiliz, Zentroak animazio programa bat eskainiko du. Horren bitartez, modu pedagogiko eta ludikoan, Artxibora egindako bisita osatu nahi dugu. Modu horretan, ondare dokumentalaren ezagutzatik eta ikerketatik abiatuta, gure herriko kulturaren ezagutzara hurbilduko gara, gaur egungo euskal kulturaren ezaugarriak eta dituen osagai historikoak landuz.

Artxiboko Ikasgelak, gainera, zabalkunde-ildo garrantzitsua eskainiko die erabiltzaile potentzialei; izan ere, erabiltzaileak trebatzeko mintegiak antolatuko ditu artxiboko fondoetako eduki zehatzen arabera eta bertan egiten diren proiektuen arabera

Hauek izango dira funtsezko puntuak:

1. Artxiboko informazioa bideratzen duen tresna indartzea: idazketa, alegia. Gida eta unitate didaktiko zehatzak jarriko ditugu erabiltzaile eta interesdunen esku, bai eta dokumentuetako idazketa (antzinakoa zein modernoa) ezagutzeko tailerrak ere, beste hainbat gai ere jorratuz: XV. mendeko paleografia, XIX eta XX. mendeetako kaligrafia, latina, gaztelania eta euskara. Horretarako, artxiboko dokumentuak eta hainbat kasuistika mota erabiliko ditugu: euskarri tradizionalaren optika, papera, eta euskarri digital berriak, besteak beste.
2. Liburua beira-arasan. Euskal Herriko Historiaren sustapena, zabalkundea eta irakaskuntza. Elizbarrutiko dokumentuen aberastasuna handituz gero, zenbait esparruren ikerketa-aukerak areagotu egin behar dira. Ezagutzarako Zentroak elizbarrutiaren historiari buruzko ikerketa-lanak garatu eta sustatuko ditu, gauza bera eginez gai horrekin erlazionatutako ahozko eta idatzizko testigantzak berreskuratzeko proiektuekin. Era berean, erabiltzaileek emandako ideien edo proiektuen eraldaketak babestuko ditu, bai eta euskal gizartean oinarritutako eduki sozial, politiko eta kulturalei buruzko proiektu zientifikoak ere, betiere, artxiboko fondoen ikerketaren errentagarritasuna nabarmenduz, iragana ezagutzeko modu gisa.

Eskaintza hirueleduna izango da (gaztelania, euskara eta ingelesa), eta egokituta egongo da entzumen zein ikusmen urritasuna dutenentzat. Helburu horiek lortzeko, hezkuntza-maila desberdinetara egokitutako tailerrak egingo dira.