Bulego birtuala
Tramiteen bulegoa » Maiz egiten diren galderak »
- Zein datatara arte bilatu ditzaket nire arbasoak AHEB-BEHAren webgunean?
- AHEB-BEHAko sakramentu-erregistroetako datu-baseetan, Bizkai osoko bataio, ezkontza eta hiletei buruzko indizeak daude sartuta, 1900-12-31ra arte.
- 1900. urtearen osteko bataio, ezkontza edo hileten sakramentu-erregistroak bilatu behar baditut, zer egin behar dut?
- 1900. urtearen osteko datak aurkitu nahi badituzu, AHEB-BEHAk bere webgunean daukan datu-basea kontsultatu dezakezu. Bertan, AHEB-BEHAn gordetako bataio, ezkontza eta hileten sakramentu-liburuetako muturreko datak daude adierazita.
- Zuk nahi dituzun datak jasotzen dituzten liburuak AHEB-BEHAn daudela ziurtatu ostean, “Ez duzu emaitzarik aurkitu?” formularioa erabili dezakezu, eta zure eskaera mezu elektroniko gisa helduko zaigu, edo, bestela, hitzordua jarri dezakezu, AHEB-BEHAko ikerlarien aretora joateko eta bertan egiteko zure kontsulta.
- Zuri interesatzen zaizkizun datak ez badituzu katalogo horretan aurkitzen, dagokion parrokiara jo beharko duzu; hain zuzen ere, bilatzen ari zaren sakramentua egin zela uste duzun parrokiara.
- Zein datatatik aurrera bilatu ditzaket nire arbasoak AHEB-BEHAren webgunean?
- Datarik zaharrena 1501ekoa da, Zeanuri-Ipiñaburuko Santiago Apostoluaren parrokiakoa; gainerako parrokien kasuan, erregistrodun parrokien basea kontsultatu beharko duzu webgunean. Bertan, Bizkaiko parrokia bakoitzeko sakramentu-erregistroetako liburu guztien hasierako datak daude adierazita.
- Nazionalitateari dagokionez, zein zerbitzu ematen dit AHEB-BEHAk? Dokumentu zibilen ordezkoa izan daiteke?
- AHEB-BEHAk ez dauka eskumenik maila zibilean eta ez ditu dokumentu zibilak tramitatzen.
- AHEB-BEHAk bataio, ezkontza eta hileten sakramentu-erregistroen KOPIA LITERALAK edo ZIURTAGIRIAK emango dizkizu. Dokumentu horiek balio frogagarria eta legala dute, eta jaiotza, ezkontza edo hileten ziurtagiriak ordezkatzeko balio dezakete zenbait kasutan:
- Erregistro Zibilak 1870ean sortu baino lehen jaiotako pertsonei dagokienez: kasu horietan, eliza-erregistroetako bataioak dira gurasoen edo aitona-amonen senidetasun filiala egiaztatzeko dokumentuak. Bertan, jaiotza-lekuari buruzko informazioa ere jasotzen da.
- Jaiotza-partidak aurkitu ez badituzu.
- Noiztik existitzen da Erregistro Zibila?
- Gaur egun Erregistro Zibil gisa ulertzen duguna tresna estatistiko huts gisa eratu zen hasieran. Gero, 1870eko ekainaren 17ko “behin-behineko” Legearekin, espainiar guztien datuak jasoko zituen Erregistro Zibila sortu eta arautu zen, Estatuan lehen aldiz. Legea 1871n sartu zen indarrean, eta, “behin-behinekoa” bazen ere, 1957ra arte mantendu zen, urte horretan beste batekin ordezkatu zen arte. Oraindik ere, Erregistro Zibilaren Lege berria, “behin-behineko” gisa argitaratua, funtsezko erreferentzia da, zenbait alditan berritu eta egokitu bada ere.
Destacados
